Resulta difícil pensar nun mellor xeito de pechar a lectura do primeiro volume da triloxía Ámote Leo A.
Aconteceu o pasado luns 5 de maio, mes das letras. Unha mañá ben diferente en que descubrimos, sorprendidas, unha gran biblioteca como é a Ánxel Casal.
Mais a sorpresa final fíxose agardar até as 14 horas cando recibimos nesta imponente casa dos libros compostelá a escritora que teceu os fíos da viaxe de Leo A.: Rosa Aneiros.
Preguntas e respostas conviviron neste tempo de conversa que nos axudou a completar a nosa lectura primeira con descubertas inesperadas. Quen nos diría que xa visitaramos previamente esta biblioteca nalgunha páxina!!!
Sem comentários:
Enviar um comentário